We mir Widerschprüch nid akzeptiere
müesse mir us Verzwiiflig krepiere

Mit Widersprüch müesse mer läbe, do hei mer kes Brot
Süsch si mer scho vor em Wältuntergang tot

We mir für d‘Umwält demonschtriere
de chöi mir nümm äso konsumiere
will mer d‘Läde verbarrikadiere

U de gö d‘Ladebsitzer bankrott
Obwohl das niemmer wott

De shoppe mer halt meh im Internet
u wills de unterwägs meh Päckli het
Git das de haut äbe
meh Laschtwäge
u ä Souerei
mit CO2

We mer de aber ganz ufs Shoppe verzichte
u würklech ganz bescheide läbe
de mues ich öich halt leider säge
dass mer äso d‘Wirtschaft vernichte

Zum d‘Umwält z‘rette isch bescheide läbe Pflicht
Ds Problem isch dass d‘Wirtschaft de zämebricht

U de müesse d‘Lüt halt leider schtärbe
scho vor em Undergang vo dr Ärde