Wenn i emol mues stärbe, denn mues i äbe stärbe
Do gits nüt z’proteschtiere, jede mues verdärbe
Aber wenn i ä chli aschtändig läbe, denn möchte i au aschtändig stärbe
Und ohni Hektik und Verdruss, wieder zu Ärde wärde
Nid vo hinde mit ere Fläsche erschlage
Nid zerquätscht vomene Laschtwage
Nid amene z’lange Bunging-Seil hange
Oder ufgschpiesst vonere Isestange
Nid versuufe imene Gülleloch
Oder vergiftet vomene Pilzlichoch
I wett aschtändig läbe u de ou
Nid schtärbe wiene agschosseni Sou
I wett scho gärn no ä chli läbe
Aber wes mues si de äbe
De wett i nid verräble
Lieber im Urwald im Kampf ohni Gwehr
Vomene Löi zerfätzt, nach wilder Gägewehr
Oder ä schöni Frou usem brönnende Hus usehole
Und ihres Lächle no trinke vor em Verchole
Oder än letschte Tango gniesse
Und denn halt ds Theater schliesse
I wett ä chli aschtändig läbe
Drfür de äbe nid verräble
Peter Schmied Mai 19th, 2015
Posted In: Texte